ഗ്ലാസ്ഗ്ലോ ; കഴിഞ്ഞ നാല് വർഷമായി ഗ്ലാസ്ഗ്ലോ കേന്ദ്രീകരിച്ച് സ്കോലണ്ടിലെ മലയാളികളുടെ ഇടയിൽ പ്രവർത്തിച്ചു വരുന്ന സ്കോലണ്ട് മലയാളി അസ്സോസിയേഷന് ഊർജ്ജ സ്വലരായ യുവത്വം നിറഞ്ഞ് തുളുമ്പുന്ന പ്രതിഭാ സമ്പന്നരായ വ്യക്തികൾ ഭാരവാഹിത്വത്തിലേക്ക് കടന്ന് വന്നിരിക്കുന്നു. എസ്എം എ പ്രസിഡന്റായി ശ്രീ . ഷാജി കൊറ്റിനാട് (ഗ്ലാസ്ഗ്ലോ ) സെക്രട്ടറി ശ്രീ . ജയിസണ്‍ ജോർജ്ജ് ( ബെൽഫിൽ ) വൈസ് പ്രസിഡന്റ്‌ ശ്രീ . ബാബു തോമസ്‌ ( ന്യൂട്ടൻ) ട്രഷറർ ശ്രീ . സന്തോഷ്‌ കുരുവിള വക്താവ് ശ്രീ . ജോ ണ്‍ സ് ജോസഫ്‌ . മുൻ ഭാരവാഹികൾ തുടർന്നുള്ള കമ്മറ്റിയിൽ തുടരും . എസ് എം എയുടെ വാർഷിക പൊതുയോഗവും , ഇന്ത്യൻ റിപ്പബ്ലിക്ക് ആഘോഷവും സംയുക്തമായി നടന്നു. അന്നേ ദിവസം തന്നെ ഭാരവാഹികളുടെ തെരഞ്ഞെടുപ്പും നടന്നു. വരും വർഷത്തേക്കുള്ള കർമ്മ പരിപാടികൾക്ക് രൂപം കൊടുക്കുവാനും , എസ് എം എ എന്ന പ്രസ്ഥാനത്തെ ഇവിടുത്തെ മലയാളികൾക്കും തദ്ദേശീയരായ ആളുകൾക്ക് സേവന , സാമൂഹിക , സാംസ്കാരിക മേഖലകളിൽ കൂടു തൽ ജനകീയ പ്രവർത്തനങ്ങൾക്ക് നേതൃത്വം കൊടുത്ത് മുന്നോട്ട് പോകുവാനും യോഗം തീരുമാനിച്ചു. വരുന്ന മാർച്ച്‌ 8 തീയതി ശനിയാഴ്ച രാത്രി 8 മണിക്ക് വിശാലമായ കമ്മറ്റി വിളിച്ചു കുട്ടാനും തീരുമാനിച്ചു . കമ്മറ്റി നടക്കുന്ന സ്ഥലം പിന്നീട് അറിയിക്കും ഇപ്പോൾ നിലവിൽ ഉള്ള പ്രസിഡന്റ്‌ ഹാരീസ് അറിയിച്ചു. സെക്രട്ടറി ഷാജോ ജോസഫ്‌ റിപ്പോർട്ട്‌ അവതരിപ്പിച്ചു. എസ് എം എ സ്ഥാപക പ്രസിഡന്റ്‌ സണ്ണി പത്തനംതിട്ട മുഖ്യ പ്രഭാഷണം നടത്തി .
